كام حاجه اعملها قبل سن الـ30

كام حاجه اعملها قبل ما توصل لسن الـ30  :-

 
1- خليك دايما مع ربنا وانزل اشترك  فى فرق تطوعيه واتصدق وصوم كتير وحافظ على صلاتك هتعيش سعيد. 

2- اعرف ناس كتيييير اووى واسمع رآيهم وناقشهم واتعلم منهم وخد منهم خبرة وشوف الدنيا بكذا عين.

3- ما تاخدتش اى كلام على انه كلام نهائى، فكر و ناقش انت بردو ليك دماغ وبتعرف تفكر.

4- حاول فرح كل اللى تعرفهم وحتى لو بكلمه يا عم اصل الانسان ملوش غير السيره باختصار" فرح..تفرح". 

5- خلى عندك صاحب يقف جمبك ويخاف عليك وينصحك واللى تقوله انا رايح اعمل مصيبه يقلك اشطه استنانى انا جاى معاك وكل 
سنه تحتفلوا بالصحوبيه الجامده ده . 

6- اصرف و انبسط بس ادخرحاجة ليوم صعب،واشتري الحاجه الى محتاجها بس 

7- حط فى دماغك دايما ان كل محنه وفيها منحه وان المحنه ده احسن حاجه حصلتلك وتتعلم منها اصل الدنيا مدرسه.

8- خليك جرئ مفيش فى الدنيا ده حاجه تخوفك طول ماانت ماشى فى السليم يا معلم. وحتى لو غلطت عااادى جدا مفيش بشر 

مبغلطش وكمان لو مغلطش عمرك ما هتتعلم 

9- خد بالك اووى من مامتك وباباك واخواتك اصل مفيش حاجه فى الدنيا اغلى منهم ومحدش هيخاف عليك زيهم . زى ما المثل

 بيقول كدا الى ملوش خير فى اهله ملوش خير فى حد

10- اجرى ، العب مع الاطفال،اتصور كتير ومع صحابك فى اى مكان، اضحك،سافر كتييير، العب رياضه ، كمان مره العب رياضه 
اجرى تحت المطر،اسمع المزيكا اللى بتحبهاوخليك هوبا  بمعنى اصح اعمل كل اللى نفسك فيه وميهمكش كلام الناس اصل الناس كده 
كده مش بيعجبهم العجب. ومتنساش تلعب رياضه

Written by: Menna.T