طفلك لا يملك الثقة بالنفس...انت لاتشجعة

 طفلك لا يملك الثقة بالنفس...انت لاتشجعة

ي امهات كتير بيسألوا السؤال دا ياتري العيب في تربيتنا لأطفالنا ولا في طريقتنا ف التربيه فين الخلل بالظبط؟؟؟؟؟؟؟؟

وابنك عندة سنه تقوله تف علي عمو ياحبيبي..وهو عندة 3سنين عمو قاعد فالولد تف عليه رحت رازعة بالقلم وتقوله عيب كدا عمو كبير!!

 أظن ان المثال دا عرفنا فين الخلل وهو للأسف مش ف الطفل دا في جهلكوا كأب وأم بالتربية الصحيحة.

/

-1اهمال التربيه وزرع الثقة في الطفل في السنوات الاولي.قليل اوي لما نشوف طفل عندع6/5سنين واثق في نفسه،ودا بيبان من طريقة كلامة وتفاعلة مع الآخرين ومن اصرارة علي انه يأخد حاجة معينه او انه يختار لبسة لنفسة واصرارة علي انه يعرف ويفهم كل حاجة بتدور حواليه كل يوم.

بس في الحقيقة ان كل طفل اول مايدرك العالم يعني يعرف يتحرك ويتكلم بيكون عايز يتعرف علي كل مايدور حوله من أشخاص وطيور وحيوانات وجماد وأفعال..

طيب واي اللي بيحصل يخلي في اختلاف في الثقة من طفل للتاني ..نلاقي طفل منطوي وطفل اجتماعي دا بأه بيرجع للتربية !!!!

زي ماقولنا في الأول إن كل الأطفال عايزين يعرفوا العالم من حولهم..اللي بيحصل بأه إن التعامل مع اسألة الطفل بتختلف من

اسره لاسره

.. هنلاقي اسرة بتقابل سؤال الطفل بصدر رحب وإبتسامة للطفل وبيردوا علي كل اسألتة ويحاولوا يقربولوا المعلومة ويتناقشوا معاه وياخدوا رأيه في مواضيع تانية عشان يفتحوا إدركة ويكون شخص متفتح ويقدر يتعامل مع المشاكل بنضج لما يكبر ويبقي شخص متزن وناضج وواثق من نفسه

وفي اسرة تانية تعجز علي الرد علي الطفل وبدل مايسألوا ويلاقوا إجابة ،بيزعقوا للطفل ويقولوا ماتبقاش رغاي وكل حاجة تسأل عليها وعايز تعرفها ..كدا عيب ماتتدخلش في اللي ملكش فيه !!!!! مع ان الطفل مبيكوتش مدرك مع ان الطفل بيكون عاوز يفهم الى حواليه

-2الإفراط في التدليل والعنف في تربية الطفل؟؟؟

في حكمة بتقول "كل مازاد عن حده إنقلب ضدة" كثرة تدليل الطفل مشكلة كبيرة الأب والأم مابيدركوهاش غير لما الطفل يكبر ويشوفوا العواقب بعنيهم،كثرة التدليل هو إن الطفل بيكون متواكل دايما علي الأب والأم وهما بيكونوا مبسوطين أوي من كدا بس مابيتوقعوش العواقب بعد كدا،اول بأه مالطفل يخرج عن محيط الأسرة ويدخل المدرسة بيتعامل مع اصحابة بطريقة الأمر لانه بيكون فاكر إن طلباتة اوامر علي كل الناس ،لكن واحدة واحدة هيلاقي نفسة منبوذ بين اصحابه ومحدش بيحب يتعامل معاه لأنه بيحب يفرض سيطرتة علي الآخرين،فهيبدأ يدخل في صراع مع نفسه هما ليه بيبعدوا عنه لانه مابيكونش مدرك إنه شخص متسلط لأن اهله طبعوه بالطبع دا يعني بيعمل كدا غصب عنه فبيكبر ويكون شخص غير محبوب وبالتالي بيكون منطوي

. طيب والعنف؟؟ في اسرة بأه تربيتها بالضرب والإهانة قدام اصحابة وأخواته..يعني بالبلدي كدا بيضربوه علي الصغيرة والكبيرة،ودا بيخلي الطفل لايشعر بالأمان في أسرته ويفقد الثقة بنفسة وبالآخرين ودا بيخليه حاجة من اتنين ياإما شخص منطوي أو عدواني مع الآخرين.

طيب والحل؟؟

طفلك في سنواته الأولي عبارة عن عجينة تقدر تشكله زي ماتحب،زي الحجر تنقش عليه ويفضل ثابت طول العمر ،عبارة عن أرض لو زرعتها خير وثقة وحب واحترام هتجني ثمارها ولد

صالح مطيع ناجح في حياتة متزن نفسيا قدوة لأبناء جيله. اما لو زرعت

.كره وخوف هتحصد ولد عاق وعدواني مجرم مختل نفسيا ومتجيش تشتكي في الأخر لإنك زرعت شوك فأكيد مش هتحصد .  ورد هتحصد شوك برضو

قربوا من ولادكوا ادولهم الثقة والإحترام والحب والامان هطلعوا جيل متزن ناجح ،

 كفايا العاهات اللي بتطلع كل يوم للمجتمع بسبب أب متسلط وأم جاهلة بالتربية الصحيحة لو مش قد المسئوليه ماتخلفوش عشان حرام عليكوا لانكوا هتتحسبوا في الآخرة. "قال صلي الله عليه وسلم كلكم راع وكلكم مسؤول عن رعيتة...".

  فاطمة علاء.