الصراع الزوجى

الصراع الزوجى

سلام عليكم

المشاكل مطلوبة

اتكلمنا عن الخيانة وعرفنا إن مفيش اي عذر يبرر الخيانة مهما كان في ناس بتسامح وتغفر وتدي فرصة للطرف التاني وفي ناس الخيانة بتخنق روحهم لدرجة إنهم مايقدروش يسمعوا صوت الخاين ،بس نصيحة لو من النوع اللي بتسامح ادي فرصة واتنين وتلاتة بس أكتر من كدا الطرف التاني هيتمادي عشان لو كان هيحترم نفسة كان احترمها من الأول وأحترمك. ولو مابتسامحش حاول تسامح وتديله ع الأقل فرصة يمكن هو كويس بس الشيطان غواه إديله فرصة يمكن شاريكي وربنا يهدية.

ما موضوعنا إنهاردة عن ...صراع الأدوارىبين الازواج

صراع الأدوار بأه سبب من المشاكل فى بيوت كتير ودا شئ طبيعي ان يحصل مشاكل لأن الحياه بقيت صعبة وبقيت بتتطلب ان الرجل والست يشتغلوا عشان يقدروا يعيشوا حياة كريمة..

صراع الأدوار هو أن كل واحد بيحاول يطغي ع دور التاني وخصوصا الست أول ماتشتغل تحسس الزوج إنها اللي بتصرف ع البيت وتبدأ تقارن نفسها بيه ف كل حاجة هو اه انتي بتتعبي زيه وممكن أكتر منه بس المشكله الطريقة اللي بتتعاملي بيها أو الطلب اللي بتطلبية بيكون بصيغة اي ؟؟؟؟

كل واحد فيكوا ليه حقوق وعليه واجبات ،اعرفوا واجباتكوا قبل ماتطلبوا حقوقكوا ..

الست ست والراجل راجل اه في فرق بينكوا الست عمرها ما كانت زي الراجل وانا قصدي ف طريقة المعاملة يعني طريقة الحوار .

إشتغلي بس خليكي البنوته الحلوة اللي لسه بتقول كلام حلو اللي بيتها دايما نضيف اللي ضحكتها بتنور وشها البنوته اللي بتحس بجوزها وبتقدر تحتوية وتمتص غضبة♡ وانت اشتغل بس خليك الراجل اللي بيفرح حبيبته بكلمه حلوة وشيكولا ،الراجل اللي يساعدها من غير خجل ويرحم ضعفها ويحسسها بأنوثتها وقد اي هي حلوة ،خليك دايما سندها وضهرها في الدنيا وتحافظ عليها وتحتويها وتسعدها . الحياة...

وخاصة الزوجية أساسها مودة ورحمة وتعاون مش مشاكل وصراع ♡

فاطمه علاء