التفوق الدراسي

التفوق الدراسي

كلنا نفسنا اطفالنا يكونوا متفوقين دراسيا ونفتخر بيهم دائما ..

بس مش عارفين نعمل دا ازاى ؟؟ ازاى اخلى ابنى او بنتى يحبوا الدراسه والمذاكره !!!

اى ده ممكن الاطفال يحبوا الدراسه ؟؟ طبعا

مفيش طفل بيتفوق وهو مش حاب بدا

دلوقتى هقولك على شويه حاجات كدا تخلى ابنك بيهم يحب المذاكره

1- المكتب

المكتب سر من اسرار تفوق الاطفال لانه بيهيئ الطفل نفسيا للمذاكره وبيساعده على التركيزواهم حاجه هيعود طفلك على النظام فى حياته .. عشان كدا لازم تعودى ابنك على الجلوس على المكتب فى وقت المذاكره

2-نتظيم الوقت

من الحاجات المهمه اننا نعود تطفالنا على النظام وبلاش احنا الى نحطلهم النظام دا خليهم يحطوا نظام لانفسهم يمشوا عليه ده هيديهم الاحساس انهم مش مجبرين وهيعملوا كل حاجه وهما حبينها .ولازم كمان نخليهم يدوا كل ماده حقها ومنجيش على ماده عشان ماده تانيه بنحبها

3-العاب طفلك

ازاى يعنى العب طريق لتفوق ؟؟ العب من الحاجات الى اطفالنا بيعملوها بتركيز عالى جدا وعشان كدا لازم نستفيد منها ونختارلهم دائما العب الى تنمى مهاره عندهم او تعلمهم سلوك جيد

4-التشويق

لازم نخلى الطفل يحب المذاكره ودا هيحصل لما نربط بين المذاكره والموهبه الى الطفل بيحبها او لعبه او محفز هيخليه يذاكر عشان يحصل عليه

5-الانترنت

كل الاطفال بيحبوا الانترنت جدا فلازم الام تستغل النقطه دى وتستخدم الانترنت فى التعليم ودا موجود على مواقع كتير بشكل مسلى ولذيذ مش ممل ولا هيزهق الاطفال وتشوف دائما العب الى بتشغل العقل وبتخليهم بيفكروا ودا بيزود التركيز جدا عند الاطفال وبالتالى هيذاكروا بنفس التركيز وكمان لازم الام تركز جدا على الكرتون لانه بياثر بشكل كبير على سلوك الاطفال  فلازم نشوف الكرتون قبل اطفالنا ما يشوفه ونتاكد انه هينمى عندهم سلوك جيد

6- مكتبه الطفل

القرءه من اهم الحاجت الى افتقدناها فى مجتمعنا وهى من الحاجات الى بتعمل على زياده التركيز وتوسع الافق والادراك عند الاطفال .. لازم نختار لاطفالنا الكتب المناسبه لسنهم

من سن 5:3 لسنوات نركز على كتب البيئه والطبيعه

من سن 9:5لسنوات نركز على الخيال وحب الاستطلاع

من 9 سنوات لسن المراهقه بنرجع تانى للواقع وبيبداء يبان ميول الطفل اى الى لازم ننميه ....