الخرس الزوجى

الخرس الزوجى

سلام عليكم!!!

 المشاكل مطلوبة

الخرس الزوجي : هو انكوا تقعدوا مع بعض من غير ماترغوا أو تفتحوا مواضيع من غير ضحك وهزار من غير ماتحكوا لبعض عن يومكوا

ودا بيكون نتيجة الضغط وكثرة المسئوليات،كل واحد ملهي فى مسئولياته وتبدأ العلاقة تدخل فى فتور وخاصة أول مايكون معاكم طفل ،تبدأ البنت تدخل فى عالم جديد وهو عالم الأمومة تبدأ تحس بمعني المسئوليه لكن للأسف الأغلبية مبيعرفوش يوازنوا بين الطفل والزوج ،مثلا يقولها تعالي نخرج تقولة والولد اودية فين وهعمل اي لو عيط ومش هتبسط وتأفور ،وبشوف ستات كتير زوجها يناديلها وهي فى المطبخ يقولها محتاج أتكلم معاكي شوية تقوله لما أخلص المواعين المواعين مش هطير هتيجي تلاقيها مكانها روحي أقعدي معاه واحتوية عشان لو كل مرة طلب يتكلم وانتي مااديتهوش إهتمام هيبطل يحكيلك علي أي حاجة .

خليكي دايما البنت اللي بطير من الفرحة مجرد ماتعرف آنها هتخرج وودي الولد عند مامتك أو مامته ،خليكي دايما الطفله اللي أول ماتدايق تجري عليه وتعيط فى حضنه وتحكيلة عن اللي مدايقها ،الصاحبة الجدعة اللي بتقدر تسمعة وتحليلة مشاكلة.

وأنت كمان لازم تقدر تفصل بين الشغل ومشاكلة وبين بيتك وإنك تحتوي مراتك تكونلها الأب اللي بتحس معاه بالأمان ،الأخ اللي مصاحبها واسرارها كلها معاه ،الأبن البار والزوج الحنون ،ماتقمش تزعقلها عشان الولد بيعيط وانت مش عارف تنام او تسيب الاوضة وتنام فى أوضة تانيه وهي تفضل سهرانة أكنه ابنها مش ابنك ،قوم ساعدها وحاول تسكت الولد أو علي الأقل أسهر معاها .

نصيحه ...

أوعوا تناموا فى يوم زعلانين من بعض أو متخاصمين لأن اللي بينام زعلان ممكن يصحي بيكرة اللي زعله أو يصحي وقلبة يقسي وماتبقاش فارق معاه خالص ،مفيهاش حاجة لما تحصل مشكلة بينكوا تخدها ف حضنك تعاتبها . رفقا بالقوارير

فاطمه علاء