معلومه على السريع :- 

       عندما تترجم من اللغه العربيه الى الانجليزيه فعليك النظر 

الى قواعد اللغه الانجليزيه وليس الى قواعد اللغه العربيه ولا تقوم

 بالترجمة الحرفيه لانك بترجم ثقافه مثال على ذلك :-

فى مثل مشهور اوى عندنا بيقول "اقلب القدرة علي فمها تطلع البنت لأمها"

 فعندما نترجمها الى اللغه اللانجليزية فلا نترجمها حرفيا بل ننظر الى المعنى العام للمثل ونترجم على هذا الاساس فنقول  

Like mother like daughter

 اتعلم واغلط وحاول مره واتين وتلاته كل حاجه فى الاول بتبقى صعبه بس اوعى تستسلم   

Written by: Menna.T

انتى مش فاظه

انتي بنت يبقي اخرك البيت والجواز وبس !
جمله سمعناها وبنسمعها ويؤسفني اقولكم هنسمعها كتير ؛ بس طيب ممكن لحظه معلش يأيها الساده المقتنعين ان البنت ڤاظه علي ترابيزة السفره وبس ممكن اقولكم : ليه ؟ ؟؟ان كنا احنا كبنات بنتعلم وبنزاكر وبنسهر واكتر من الشباب كمان علشان احنا مبنسهرش نلعب كوره او بلاي ستيشن او بنخرج نتمشي اخر الليل ومش مهم كل دا انما لما تتعبي وتبقي اخرتك اربع حيطان لأ فوقي لنفسك ابنك هيجي الدنيا ف يوم هيتسأل ماما شغاله ايه ماما دارسه ايه وبابا ايه ؟؟؟؟ اللي يقولك مش هتقدري توفقي مابين حياتك الاسريه والعمليه قوليله ممكن لحظه هتلاقي مليون مثال علي اسره ناجحه لام دكتوره ومهندسه ومدرسه وموظفه وسيدة مجتمع وقدرو يوفقو ما بين كل اتجاهات حياتها متتخليش عن حلمك لكونك بنت ! البنت هي نصف المجتمع وهي مسؤله عن تأسيس النص التاني !! كملي طريقك طيب اقولك سر ؟ هترتاحي نفسيا لما تبقي حاجه ف مجتمعك ولما تشوفي فعيونك ابنك نظر فخر بيكي وجوزك لو بيحبك هيفرحلك هياخد بإيدك طب اقولك

 هو اصلا معجب بشخصيتك ال بتعافر علشان تقول انا موجوده
فكرتي لو ركنتي شهاداتك وثقافتك وطموحك ع جنب واتفرغتي للبيت وبس غصب عنك لو جه ف يوم محصلش نصيب او لقدر الله حصل لجوزك حاجه وبقيتي ارمله لطفل هتصرفي منين هتطفلي علي مين ؟ انجحي اوصلي للسما في كل حاجه اوصلي للذروه لقمة السعاده اثبتي نفسك وقاومي للنهايه علشان تستاهلي

شيرى الحناوى 

جـدد طاقـتـك فى 10 دقايق:-

  1- اتنفس بعمق بطريقة سهله وبسيطه خالص اجلس وخلى ظهرك مستقيم واقفل عينيك واستنشق الهواء من انفك وعد لـ7 واخرج الهواء من فمك وعد لـ7 وكررها كذا مرة .

2- اقفل عينيك وتخيل اماكن هادئة ولكن تخيلها بأدق التفاصيل التى تريدها ان تكون فى هذا المكان وبمجرد شعورك بالاسترخاء قم باعاده نفسك للواقع تدريجيا وعد لـ3 وبعد كده افتح عينيك .

3- اشرب قهوه او شاى او اى اعشاب الحاجات ده هتساعدك ع التغلب على التوتر .

4- تناول العديد من الشوكولا هتخليك مبسوط .

5- تناول وجبات خفيفه او فاكهه . 

6- اسمع قران او موسيقى هادئه ،هتساعدك على الاسترخاء .

7- قوم واغسل وشك بماء بارد واشرب كوب ماء بارد ايضا هتحس بالانتعاش .

8- قوم وامشى شويه او اعمل تمارين خفيفه على السريع كده .

9- اكتب خواطر او اقرئ شعر مش هياخدوا منك وقت كتييرر وفى نفس الوقت هينعش دماغك .

10- اضحك او اتكلم مع حد بتحبوا .

Written by: Menna.T

ملامحك جمالك وسامتك جسمك كلها حاجات وهبات ربانيه انتي ملكيش علاقه بيها اي كان درجة جمالك انتي جميله طيب فاكره لما ربنا قالك انه خلقنافي اجمل صوره ؟ كان يقصد انه شايفك كده علي اعلي مستويات الجمال يعني اي زياده فيها قبح ليكي

اتقبلي نفسك علشان العالم يتقبلك حبي نفسك حبي شكلك ملامحك حبيكي طب اقولك سر انك عباره عن خلقه ربانيه صورك ربنا دا سبب يخليكي كفيله انك تكوني ملكة جمال طب عارفه لما بيتصنع حاجه من بره ويقولك واو دي صناعه المانيه ايطاليه يبقي اكيد حلوه لأ معلش استني كده ؛ انا وانتي صناعه ربانيه

طيب لوسمحتي انا اجمل نفسي ازاي ؟ مش بالميك اب ولا بعمليات التجميل اطلاقا جملي نفسك بنفسك بروحك اللي هتفلتريها وتبقي حلوه بعقلك اللي هتغذيه بالقرايه والمعرفه والثقافه ؛ بقلبك اللي هتزرعيه حب وطيبه وصفاء وتسامح وهتحافظي عليه ؛ بضحكتك اللي هتنور وشك وتنعكس ع القدامك وتخفي ضعفك وتظهر نجاحك وتكيد حسادك وتفرح حبايبك

انتي جميله بكل تفصليه فيكي ؛ اقتنعي بكده وبس لو هتتغيري يبقي ضيفي شوية صفات احلي بصي زي بهارات لطبخه لذيذه وزي مايه لزهره لطيفه ؛ اقبلي نفسك وغصب عن الكل العالم نفسه هيتقبلك متنسيش انتي صناعه ربانيه

شيرى الحناوى 

سلام عليكم

"المشاكل مطلوبة"

إنهاردة هنتكلم عن مشكلة للأسف بقيت منتشرة بين المتزوجين والمخطوبين والمصيبة انتشارها بين المرتبطين وهي

 "الخيانة"

مفيش اي تغير من الطرف التاني يديكوا الحق فالخيانة لاتقولي مبقتش بتهتم بنفسها ولا تقوليلي مبقاش بيهتم بيا مفيش حاجة تبرر الخيانه ابدا ،هتقولي اصلها تخنت وصوتها بأه عالي وبقيت طول الوقت عصبية وبتزعق ومبقتش بشوف أنوثتها

هقولك عايزها ازاي تهتم بنفسها وهي قايمة بدور الأم والأب هي اللي بتذاكر وبتسهر وبتروق وبتطبخ وتغسل وتوصل العيال المدرسة وترجع تجبهم ودا كله مقابل إنك تروح تشتغل 10ساعات ف اليوم لأ

وتحسسها إنك بتجبي عليها وإن انت بس اللي بتتعب مع إنها مابتقعدش عايز بعد كل دا ترجع تلاقيها إزاي نانسي ولا هيفاء.

والكلام دا مش معناه إن الرجالة بس اللي بيخونوا ،في ستات كمان بتخون وفي زمنا دا الستات الخاينة أكتر اللي بتخون بحجة إن زوجها مسافر وسايبها وحيدة واللي بتخون بسبب إن زوجها علي قد حاله وإنها لسه صغيرة وعايزة تشوف الدنيا المبررات اللي ملهاش لازمة غير أنكوا

خاينين !!!

اتقوا الله في أزواجكوا وفي أولادكم وفي نفسكم لو مش قادرين تكملوا مع بعض أو خلاص إستحالة العشرة بينكم ي إما تسامحوا بعض وتبدؤا صفحة جديدة ي إما تسريح بإحسان .. ونصيحة أكثروا من الإستغفار.

فاطمه علاء

الحـياه لحـظـات

قبل ان نتحدث عن هذه اللحظه عليك ان تجاوب على هذه الاسئله 

،هل انت سعيد ؟ هل تعيش حياه سعيده؟ متى تعيش بسعاده؟ هل 

تعلم معنى السعادة؟ ادعوك للتفكير قبل الاجابة .

السعادة هى اللحظة التى ينتظرها كل فرد منا،وهى اللحظة التى 

تلمع اعيننا من الفرحة ،وهى اللحظه التى تجعل القلب طائرا من الفرحة،وهى اللحظه التى تتمنى فيها ان الدنيا تتوقف على هذه .وعلى الانسان ان لا ينتظر الظروف المثالية او امور معينة حتى يفرح بل درب نفسك على ان تفرح بكل الامورالعادية فى حياتك 

افرح بكل يوم جديد ... افرح بصح ظة سعادة

تك ... افرح بأهلك واصحابك ...افرح لما تحط ايدك فى جيبك 

ومتلاقيش فلوس ... افرحلما تشوفضحكت طفل ... افرح وعيش 

كل حظة عى انها اخر لحظة ... افرحواضحك اصل ضحكتك 

جميييله،

ولا تدع احدا يكون سببا فى حزنك ولا تجعل فرحك يتوقف على احد ،فرح نفسك بنفسك واجعل كل من حولك سعيد بمعنى اخر " فرح .. تفرح " وقال انيس منصور " ان السعادة تنتقل بالعدوى .. لا تنتظر عدوى احد كن حاملا لهذا الميكروب "  ولكى تستطيع ان تعيش هذه اللحظه فعليك بالتركيز ،فكل لحظة تمر عليك مر عليها فانها لا تدعك وترحل بل خذ منها كل ما يسعدك ،ركز على كل شي فيك وفيها سواء أكان افكارك او مشاعرك او تصرفاتك  وهذا سيجعلك واعيا ، فتجلب ما يسعدك وتطرد ما يبعدك عن اللحظة ولكى تعيش دائما فى سعادة يجب عليك ان تتبع نظرية حكيم وهى نظرية تقوم على فكرة بسيطة " وهى لكى تعيش سعيدا فى الدنيا لابد ان تعيش فى توازن ولكى تعيش فى توازن لابد ان تعمل على تحقيق الحد الادنى من النجاح فى اربعة جوانب من حياتك وهم جسمك وجيبك وقلبك وعقلك "

Written by:Menna.T                                       

اى ده !!!! اى علاقه الخيار بالمسام

الخيار حل مفيد جدا لعلاج المسام الواسعه

هنجيب خياره ومعلقه عسل كبيره

هنضرب العسل فى الخلاط بعد كدا نصفيه ونطلع الميه بتاعته 

ونزود عليها العسل ونحطها ف ازازه  ونخلطهم ببعض كويس 

ونحطها فى التلاجه 

ولما نستخدمه هنجيب قطنه ونبلها من خليط دا ونمسح بيها

البشره

كلها ونسيبه20 دقيقه وبعدان نغسله....

بعد ما اتكلمنا اخر مرة أزاي تسعد/ى شريك/ة حياتك،أكيد في أوقات هنواجه فيها مشاكل ..بس قبل مانتكلم عن المشاكل اللي ممكن تواجهنا لازم تعرفوا ان اي خلاف ليه 3طرق للتعامل معاه:

-1الشجار:ودا بيحاول كل واحد فيهم يجيب الغلط علي الطرف التاني وهنا يبدأ الشيطان يدخل مابينهم وطبعا كلنا عارفين أن الشيطان أعظم عمل بالنسبالة ان يفرق بين المرء وزوجة .

-2تجنب موضوع الشجار:يعني بيغيروا الموضوع عشان مايحصلش مشاكل،اه دا بيهدي الموضوع فترة ولكن لو ظهرت نفس المشكلة هتبقي بصورة أعمق وهيبقي صعب حلها.

-3 حل المشكلة:ودا أذكي حل انكوا تقعدوا مع بعض وتتناقشوا وتشوفوا حل لمشكلتكوا عشان ناتكبرش والنفوس تشيل من بعضها وتقفلوا باب الشيطان وبكدا الغلط مش هيتكرر تاني أبدا ..

اي بأه انواع المشاكل؟؟؟

-1صراع الأدوار

2-ثورة الإتصالات الحديثة

 3-الوضع الإقتصاد

-4الخرس الزوجي

 5-الخيانة

6-حب الإمتلاك

مستنية مشاركتوا بأنواع مشاكل أخري نتكلم فيها مع بعض .. المشكلة عندنا مش اننا نعرف المشكله..المشكلة اننا نقرر نحلها ..بس احنا بنكسل وبنكابر وبنعاند كمان...

 فاطمة علاء

التمارين دى سهله جدا وممكن تعمليها فى البيت من غير جيم وليها فوائد كتير منها 

1- بتخلصك من السيلوليت 

2- بتحسن عمليه الهضم جدا 

3- بتشد الجسم 

4- بتحسن مظهر جسمك الخارجى 

5- بتقوى عضلات الجسم 

6- بتشد الضهر وبتبين قوامك مفرود 

7- بتساعدك على نحت جسمك 

8- تحرق 70 سعر حرارى للعضله الواحده 

9- تقوى العضلات وتحميها من هشاشه العظام 

10- تلين عضلات الركبتين 

كلنا طبعا بنفضل صاحين طول الليل ونام طول نهار وده طبعا سبب أساسي فى زيادة وزننا وتعبنا فى دايت

قله النوم وصحيان لوقت متاخر بيخلينا ناكل وجبات سناكس كتير باليل وغالبا الواجبات دى فيها سعرات كتيره جدا بتكون سبب فى زياده وزننا

غير بقى ان فى دراسات اثبتت ان هرمون اللبتين وهرمون قريلين والى بيتحكموا فى شهيتنا الاول يتحكم فى نقص الشهيه والتانى فى زيادتها وقله النوم بتسبب نقص هرمون الاول وبالتالى هتقل الشهيه وهيقل اكلنا وتسبب شعورنا فى الشبع

 اذا اردتى ان تقى طفلك من الامراض النفسيه بأتباع بعض الامور ومنها الاتى 

1- اجعلى من وقتك مساحه يوميا لطفلك للنقاش معه وليس استجواب حتى لا يشعر انه فى حلقه استجواب



2-حدثى طفلك عن كيف صار يومه ف الخارج علميه كيف يصادقك فيتعلم الود 

3-شاركيه بعض افكارك او افعالك ...فمثلا اسأليه عن الوجبه التى يريد تناولها فى ظهر الغد ..امور صغيره لكنها تجعل الطفل يشعر انه صاحب رأى وقرار فى المنزل 

4-لا تقارنى طفلك بغيره مهما كان السبب ومهما كانت تصرفاته عليكى بالنظر لمواطن القوه لديه والعمل على تعزيزها .. فهو خلق ليكون هو لا احد اخر 

5- امدحيه على فعل الصواب دائما

6- وجهيه على فعل الصواب وعدم فعل الخطأ دون ضرب او اهانه 

7-علمى طفلك كيف يعبر عن مشاعره ...كيف يقول احبك 

8- اشغليه بنشاط خارج البيت والمدرسه كممارسه رياضه مثلا ..ركوب خيل. سباحه 

9-تبتى معه القيم فى كل ليله قبل النوم
 
كقولك له كنت سعيده عندما رأيتك تفعل كذا ..

اخبريه ان وفاؤه بالوعد شئ جميل .. واتفقى معه على عادات 

يوميه لفعلها وامدحيه عندما يتقنها 

10-احضنى طفلك يوميا , فلمسه نهايه الرأس تعنى الرأفه والحنيه
 
القوه فى الاحتواء فحتوى طفلك
 
كان الرسول صلى الله عليه وسلم وهو قدوتنا فى التربيه وخير

 معلم كان يحتضن السيده فاطمه رضى الله عنها حين يراها فى اى مكان 

وامام الصحابه وفى اى وقت
 
فاطمه محمد  ♥♥

كلنا عندنا مشكله البطن الى بنعانى واحنا بنحلها ....

احنا هنقولكم شويه عادات بسيطه هتساعدنا فى حل المشكله دى 

1- افطرى قبل الضهر ويكون فطار خفيف . ويبقى حلو اوى لو اخدتى كوبايه ميه فيها لمونه ومعلقه عسل كبيره 

2- متكليش قبل النوم ب 3 ساعات على الاقل .ويفضل متاكليش 

من الساعه 8عشان معدل حرق الجسم بيقل جدا باليل 


3- لا للدريفرى. ارفعى فى بيتك شعار لا للدريفرى لسببين الاول 

هتحافظى ع جسمك وصحتك ولادك التانى هتوفرى فلوسك 

4- امنعى اى مشروبات غازيه 

5-  فكرى دائما ف شكلك وجسمك وانتى بتاكلى ,فكرى ف الفستان الى نفسك فيه هتلاقى نفسك بتشبعى تلاقئ

6- العبي رياضه خفيفه فى البيت هتظبط جسمك وهتخليكى نشيطه وحاسه بشبابك

7- زيت الزيتون جمالك كله فيه . اعملى اكلك بيه ,مفيد جدا للبشره , مفيد جدا للشعر من الاخر ملهوش حل 

8- خليكى زكيه..!! ازاى .. هقولك من غيراستغراب
 
كلى كل الى نفسك فيه ومتحرميش نفسك من حاجه  بس بزكاء 

اختارى الوقت المناسب وكميات المناسب
 
بمعنى متاكليش حاجه فيها سعرات كتير بعد 9 باليل كليها الصبح 

عشان تحرقيها طول اليوم
 
ولما تاكلى سكريات اعملى بعدها اى رياضه نطى الحبل اجرى روحى الجيم ساعه
 
وفى الاخر ... هنحافظ على جسمنا ومش هنحرم نفسنا من حاجه 

سلام عليكم

إتكلمنا عن ازاي البنت تسعد زوجها ..بس أكيد لازم زي مابتدي تاخد
♡ زي ماعليها واجبات ليها حقوق وأبسط حقوقها إنك تسعدها ♡

1- تقديرالزوجة وإحترامها مش بس قدام االناس الأهم من الناس 

الإحترام بينك وبينها؟؟ للأسف كتير من الزوجات بتسمع عن 

أخلاق زوجها وكرمة وإبتسامته مع الناس وهي مابتشوفش غير 

انعدام الأخلاق والبخل والتكشيرة يعني مابتشوفش غير الوش 

الخشب زي مابيقولوا.. فالنبي صلي الله عليه وسلم قال"خيركم خيركم لأهله وأنا خيركم لأهلي"

2- ماتخليش شغلك ومسئولياتك تأخدك منها ؟؟؟حسسها دايما انك 

جنبها وهتفضل سندها واحتويها مرة اختك وبنتك وامك وحبيبتك 

وصحبتك ومراتك ..قبل ماتدخل بيتك سيب شغلك بمشاكلة وخدها 

ف حضنك ماتبخلش عليها دا حضنك هو أمنها وحمايتها والحاجى الوحيدة اللي بطمنها♡

3- فرحها بكلمة أو هديه بسيطة؟؟؟ البنت مهما كبرت بتفرح 

بالحاجات البسيطة شيكولاته غزل بنات وردة كلمة نظرة حب ف عنيك .

 4- ساعدها واستحملها؟؟؟ مساعدتك ليها ف البيت ومذاكرة الاولاد 

مش هتقلل منك ابدا دا النبي صلي الله عليه وسلم" قالل الأسودبن 

يزيد سألت عائشه ماكان رسول الله يصنع ف بيته ؟قالت:يكون في 
مهنة(خدمة) أهله فإذا حضرت الصلاة يتوضأ ويخرج للصلاة ." 

استحملها لو أتعصبت عليك وبعدها عاتبها بهدوء. وزي البنت 

مابتحب الرومانسية بتحب الشدة الممتزجة بالحنية لا بالأهانة.

سلام عليكم اتكلمنا اخر مرة عن الحاجات اللي لو عملها الزوجين 

هيعيشوا ف سعادة ..
 
نهاردة هنتكلم عن ازاى انتي تسعدي زوجك؟؟؟؟؟؟؟

1-حبي نفسك واهتمي بيها لإنك لو عجزتي عن حب نفسك إزاي 

هتخلي زوجك يحبك؟؟؟؟ الراجل مابيحبش البنت اللي معندهاش 

شخصية اللي معندهاش اهتمامات ف حياتها ولا ليها رأي ف 

حاجة ..مثلا لو هو ارتبط بيكي عشان بتكتبي حلو أو بترسمي ،او 

إجتماعية وبتعرفي تتعملي بإسلوب راقي من الاخر حب فيكي 

شخصيتك اوعي تيجي بعد الزواج تهملي إهتماماتك عشان العيال 

والبيت والأكل والغسيل لأ لازم تعملي لنفسك وقت تمرسي فيه إهتماماتك.

2- كسر الروتين؟؟؟؟ للأسف بعد أول شهر ف الزواج بنحس 

بالملل ودي حاجة طبيعية لإنك اللي بتصحي في بتنامي 

فيه..أكسري الروتين ف أستايلك لون شعرك نبرة صوتك أساس 

بيتك نوع أكلك ف طريقة كلامك،شيفاكي يا اللي بتقولي أستايل اي 
ف البيت ماهي ظي المصيبه وانتي خارجة بتهتمي بنفسك وانتي 

ف بيتك شبة الخدامة والخدامة احلي كمان.

 3- ماتبقيش كثيرة الشكوي؟؟؟ أختاري الزمان والمكان المناسب 

اللي تشتكي فيه وطلعي اللي جواكي لشريك حياتك،يعني 

ماتخلهوش راجع من شغله تعبان من الحر والزحمة والقرف وأول 
مايدخل تفضلي تشتكي وتقولي انا تعبت وقرفت والواد عمل وامك 
سويت ساعتها حلال فيكي اللي يحصلك.

4- أخلقي جو المرح ف البيت؟؟؟ بعد الزواج بيختفي جو المرح 

بينكوا بسبب كثرة المسئوليات وللاسف احنا كبنات بنتعامل معاها 

غلط ونقول انت مابتهتمش بيا انت مابتحبنيش زي الأول وندخل 

ف مشاكل .. طيب أعمل اي ؟؟؟ خلي عندك فن ف التعامل!!! 

الراجل تقدري تملكيه بإحساسك بيه وتقدير ظروفة !! مش فاهمة 

؟؟من الأخر أكتر حاجة تتعب الراجل ودايقة وتخليه يغير معاملته 

معاكي انه يحس انه مش قادر يلبيلك طلباتك .. مثلا نفسك تخرجي 

فيخرجك وطول ما أنتيماشية عماله تندبي حظك 
 
أكيد هيكرة الخروج معاكي لأنه مش قادر يسعدك وانتي خارجة 

معاه بصيلة بصت حب ورضا وقوليلة مش عايزة من الدنيا غيرك 
،إتصلي بيه ف نص اليوم قوليلو وحشتني حتي لو هو مابيعملش 

كدا هتلاقي بعد كدا هو اللي بيتصل بيكي ،ودا مش عيب ابدا 

،وهو رايح شغلة قوليله ماتتأخرش عليا هتوحشني هتلاقيه جايلك 

بعد الشغل جري بدل مايقعد ع القهوة.

5- يوم بتاعكوا إنتوا وبس ؟؟؟
 
لازم تقعدوا مع بعض لوحدكوا كل إسبوع حتي لو عندكوا أطفال 

إخرجوا واتفسحوا واتبسطوا،سمعاكي ي اللي بتقولي دا يادوب 

مرتبة مكفينا ،خليكي ذكيه اخرجوا جوه البيت البسي لبس خروج 

واعملي اكل بسيط اول مايرجع من الشغل قوليله جهز نفسك 

عشان خارجين وقضوا اليوم مع بعض هزار ولعب وضحك.

6- دورة حياة الرجل !!!!!
 
العنصر دا أهم عنصر وناس كتير مايعرفوش عنه حاجة..
 
عمرك فكرتي لي الراجل بيكونله عشيقة وكتير الزوجة شكلا احلي من العشيقه؟؟؟
 
بصي ي ستي اي راجل ف الدنيا بيحن لأيام العزوبية سعر مع 

اصحابة خروجات ويكلم بنات ..انتي بأه بتعملي اي .الإسطوانه 

المشهورة انا كنت فين ومع مين واتأخرت ليه ،

وتتصلي بيه 500مرة ف الدقيقة وتفضلي تندبي وتزعقي .
 
امال عيزاني أعمل اي عيزاكي تتصلي بيه مرتين بس تقوليله 

وحشتني وخلي بالك ع نفسك بحبك وتقفلي ،ولما يرجع يلاقيكي 

مستنياه ع سنجة عشرة وتستقبليه بإبتسامة وتقوليلة حمدالله ع 

السلامه وحشتني أوي إنهاردة يومي كان وحش أوي من غيرك ..
 
من الأخر ماتجريش وراه وتحاصرية خليه هو يشتاقلك وأي 

علاقة بتحتاج شوية بعد عشان ترجع أقوي من الأول♡♡